يشهد الشوق بان طعم العشق مدآن ولونه شاهد مع تغير المذاق ونكهة الحضور هى محاولة للجمع بين الضد والمعكوس وتوافق النقيض مع ضده من اجل رمش المسام وعيون الرصيف وضواحى القمر :ــــــ
كـــــن شاهد إنك مدآآن
مآنى القريب لون المطاف
ورحلة الشوق البدت .... محطة للريد القديم
ياواحة من تحت المطر
زغرودة فى خط السفر
إنشودة بطول السهر
ممزوجة بالريد والغرام
وروعة الابنوس تبلدى
دوماً اراكي كالشموخ .... راجيك براك
ماانتى ياشجر الآراك
عصفورة للعشق المغرد فى مقلتيك
ومطيره للبارود تجيك ..... بفرحة الماضى الزمان
مااظـــن اعود قصه انتهت
وكت حرف الكلام الجاكي من طيف الغناء
وقـــــــــــــف مشـــــلول
شهق العبير بالدهشة مات
وانــــا كيف اقول ؟؟؟
لقيت بحور الشوق تنادي عليك
ولقيت لسه المعانى من جواي ...... بتهتف بيك
وتكتب ليك مع نبض القلب غنوآت
ومنك اعيش ......
14/02/2003م
