لكل اغنية حكاية... ليالى الخير جادن

قبل الاغنية عايز اقول لى الشباب الفى الجريف انو الاخوان ( عمر الغول والصديق قزقزة وغيرم) ديل مفروض استفيدو منهم فى حقيقة الاغانى الجميلة الكانت الفى الزمن الجميل لانو فهم حقيقة الاغنية 40% من الاداء المفهوم والجميل موش اخلو الشباب لى بلــــــــــة يا بلة.. ونحن فى الجريف حقيقة محتاجين لى المبدعين الشباب ..

ليالي الخير

ليالي الخير جادن................من المحبوب
نسائم الليل عادن................من المحبوب
**********
شفت في الأحلام ظبى يتهادن.....برخيم نغمات خلى تنادن
عبرات الشوق بى ازدادن......تلكم أحلام ليت تمادن
****************

شفت الحسن الحافل رافل .....في ثياب العز والعز كافل
رانع واحل تايه غافل........لادن هادل ضامر كافل
*************
هادئ ساكن آمن قادل ........بهجة هيبة حاكم عادل
لافح فره وطارح سادل......ليل عسعس كاسى الهادل
*************

بوبح جيده وأبصر واقل ......ظن مراقب صدق العاقل
قلب المخضوب فوق الفاقل........تل اليمنى ومشى متاقل
************
رنا متخاوف بارق لجّ.........بعضه فى بعضه ترادف لجّ
نصفو تثنى وآخر لجّ ...........لاطم أمواج من غير لج
************
رفع الهدب شفت محور ..........نوره تدفق صعد أتدور
فكر في شئ فضل أتصور.....بسم النوار فتح نور
**********
فيه تأمل أيسر بند ..........لدن المثمر غصنه البندى
مايقه ترقرق شهر الهندي ......... فوح منو العرف الرّندى
**************
وصحيت ندمان نومي انقل........تناوم غش وقواي كل ّ
حاولت النوم لكن كلا.........هيهات يعود الكان ولّى
*************

أغنية ليالي الخير جادن من اغانى ود الرضي الجميلة كلمة ولحنا أغنية ليالي الخير سجلها للإذاعة الثنائي المبدع ميرغنى المأمون واحمد حسن جمعة والفنان بادي محمد الطيب كما تغنى بها الفنان مبارك حسن بركات..ولقد سكب ود الرضي عبرات الشوق في هذه الأغنية ...وللأغنية قصة قال عنها الفنان مبارك حسن بركات والطيب ابن الشاعر محمد ود الرضي وهى قصة حقيقية وواقعية لكن الشاعر صورها في شكل حلم جميل تمنى أن يستمر طويلا ولا يستيقظ منه ...
شفت في الأحلام ظبى يتهادن.....برخيم نغمات خلى تنادن
عبرات الشوق بى ازدادن......تلكم أحلام ليت تمادن
والقصة تقول إن الشيخ محمد ود الرضي كان يحب إحدى الفتيات وكان يريد الزواج منها ولقد غاب فترة من البلد إبان عمله بخزان سنار ولكن حين عودته وجدها قد تزوجت من احد الرجال المعروفين ..وتصادف إن مرّ ود الرضي بأمام منزل الملهمة وكانت أبواب المنازل تصنع من المطارق وهى أعواد الأشجار ويمكن لاى شخص أن يرى ما بداخل المنزل من بينها ...فشاهد ود الرضي هذه الجميلة..فماذا شاهد...
شفت الحسن الحافل رافل .....في ثياب العز والعز كافل
رانع واحل تايه غافل........لادن هادل ضامر كافل
**********
هادئ ساكن آمن قادل ........بهجة هيبة حاكم عادل
لافح فره وطارح سادل......ليل عسعس كاسى الهادل
هذا هو الجمال والحسن والروعة التي شاهدها ود الرضي...ولكن هذه الجميلة شعرت هنالك من يراقبها وينظر إليها من بين الفتحات ....فماذا فعلت ؟..من عادة النساء في السودان في الأيام التي ليس فيها مناسبة أو عيد يخضبن الكف الأيسر...فلما رأت هذه الملهمة من يراقبها هزت جيدها ووضعت يدها المخضبة وهى اليد اليسرى على وسطها وتلت اليمنى ومشت على مهلها يتثنى قوامها ويتمايل بعجن يكاد أن ينقسم ..
بوبح جيده وأبصر واقل ......ظن مراقب صدق العاقل
قلب المخضوب فوق الفاقل........تل اليمنى ومشى متاقل
وعندما وقلت بعينها مستغربة رأى ودالرضى العيون التي يشع ويتدفق النور من كل جوانبها ...وترقرقت عيونها بالدموع فأصبحت جارحة كالسيوف الهندية ...أما قوامها اللادن فقد أثمر وفاحت منه العطور الطيبة ..
رنا متخاوف بارق لجّ.........بعضه فى بعضه ترادف لجّ
نصفو تثنى وآخر لجّ ...........لاطم أمواج من غير لج
************
رفع الهدب شفت محور ..........نوره تدفق صعد أتدور
فكر في شئ فضل أتصور.....بسم النوار فتح نور
**********
فيه تأمل أيسر بند ..........لدن المثمر غصنه البندى
مايقه ترقرق شهر الهندي ......... فوح منو العرف الرّندى
العرف هي الرائحة الطيبة أما الرندى فهو من الرند وهو شجر طيب الرائحة...أما في نهاية الأغنية فيقول ودالرضى انه قد صحي من هذا النوم وحاول أن ينام مرة أخرى حتى يستمر الحلم ولكن هيهات يعود الكان ولى...
وصحيت ندمان نومي انقل........ترخرخ جسمي وقواي كل ّ
تناوم غش لكن كلا.........هيهات يعود الكان ولّى
وفى رواية أخرى ...حاولت أنوم لكن كلا ....هيهات يعود الكان ولى
والعبادى جارى ود الرضي في كسرة هذه الأغنية أيضا حيث قال في أغنية بلابل الدوح ...عيد لي النوم من اجل خيالك.
احمد عوض.. على لسان sudan

المبدع/ مبارك حسن بركات

ليالي الخير جادن................من المحبوب
نسائم الليل عادن................من المحبوب

الف الف مرحب بالزول الرائع الزول الرائق الزول البتحكر فى خلايا القلب
وينذف حبو كلما سمعنا اغنية للاستاذ نادر خضر.

اتذكرك كلما سمعت كلمة الجنون فاسرح حينها عندما تقلول انشا الله اجن واذيد
فى الجن .فكيكفك يامجنون

الف مرحب بيك يا غالى ويلا خلينا نفرح ونغنى كاننا نجلس على رمال البحر ونشتم
رائحة دعاش الجنائن ونسمع من بعيد اصوات البوابير وانت تذهلنا بحنجرتك الذهبيى وحديثك الحلو .

وتسلم يارائع

تحياتى حمادة ....

والله مشتاقين ولو قلت ليك مابتصدق انا مشتاق اغلبك قيم كورة بس المغلوب ادفع.. هههههههه.

ههههههههههههههههههه
هههههههههههههههه
هههههههههه

انا حكمان خلينى ساااااااااااى
والله مشتاق ليك شوق شديد
اخوى خلينا نلعب فيم ربع ساعة
والمقلوب يغنى لينا (لميس)
يعنى افهما براك ...................

» حكاية عطر وأرض وأنثى (قصة قصيرة)
» محبة الخير للاخرين
» الدال علي الخير كفاعله ...
» الخير ميرغني الخيرفي ذمة الله
» يا فتاتى اغنية الطيب عبدالله