............

حبابك عشره يا زائر
 
الرئيسيةالتسجيلدخول

شاطر | 
 

 حلكنتيش وبس

اذهب الى الأسفل 
كاتب الموضوعرسالة
حافظ العبيد الطاهر
قلم ذهبي
قلم ذهبي
avatar

عدد الرسائل : 513
تاريخ التسجيل : 28/10/2007

مُساهمةموضوع: حلكنتيش وبس   الثلاثاء 29 يناير 2008, 1:47 am













الحلقة الاولى


عنجليييييييزي

كل ما أقبّل وأعاين

ألقى عينيك جات في

mine

حاجة

very good

حاجة

fine

يا

suger

مصنع كنانة

يا

flour

مالية البطانة

إنتِ

fantastic banana

إنتِ

my eyes

رتينة

إنتِ

where is

مابتجينا

إنتِ عينيك فيها

light

إنتِ شعرك

dark night

إنتِ طبعك كولو

right

إنتِ

my heart

إنتِ نورو

إنتِ

my love

البدورو

عايز أشوفك

more tomorow

--------------------------------------------------------------------------------

الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي
avatar

عدد الرسائل : 513
تاريخ التسجيل : 28/10/2007

مُساهمةموضوع: رد: حلكنتيش وبس   الثلاثاء 29 يناير 2008, 1:55 am

قلبي صحن دش وعيونك عربسات

والبث حي مباشر من شفاتك

سلكي ولاسلكي وعبر المسافات

يسري اثيرك في فضاي وصفاتك

القلب مخرج والمشاعر مذيعات

والشوق مبعوث مراسل لذاتك

ارسال متواصل على خمس فترات

ينقل وقايع ما يصير بحياتك

صورتك في فكري على سبع شاشات

وافضل برامج سهرتي ذكرياتك

وارسال حسادك قطعتة عن السات

بدلت كيبلهم بكيبل غلاتك

والغيت يا ثريا الغلا الأشتراكات

ما عاد اشاهد غير ما بث ساتك

لو شوشت ع البث كل المحطات

يلقط رسيفر خاطري ذبذباتك

جرب على ريموت الأحساس ضغطات

تلقاه ما يختار الا قناتك
الرجوع الى أعلى الصفحة اذهب الى الأسفل
محمد زين نابري
قلم ذهبي
قلم ذهبي
avatar

عدد الرسائل : 1514
العمر : 38
الاقامة : الجريف شرق
المهنة : مهندس ستديو تلفزيون السودان
مزاجك اليوم :
تاريخ التسجيل : 03/12/2007

مُساهمةموضوع: رد: حلكنتيش وبس   الثلاثاء 29 يناير 2008, 2:11 am

هههههههههههههه ود العبيد الله يجازيك خير بتجيب الحاجات الحلوة دى من وين شكرا جزيلا.
الرجوع الى أعلى الصفحة اذهب الى الأسفل
http://sudantv.ahlamontada.net/index.htm
نساليه
قلم ذهبي
قلم ذهبي
avatar

عدد الرسائل : 760
العمر : 38
الاقامة : السعوديه_الخبر
المهنة : تلميذ فى مدرسة الشعب
مزاجك اليوم :
تاريخ التسجيل : 25/10/2007

مُساهمةموضوع: رد: حلكنتيش وبس   الثلاثاء 29 يناير 2008, 3:46 am

النقى نقاء الحليب

ود العبيد
قصيدة مباااااااالغة بس لكن فريق الضلمة شن خبرتن بالدش وعرب سات
انتو بعيدين كل البعد عن العولمة

ولك منى مؤونة 100عام من الود
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي
avatar

عدد الرسائل : 513
تاريخ التسجيل : 28/10/2007

مُساهمةموضوع: رد: حلكنتيش وبس   الثلاثاء 29 يناير 2008, 4:13 am

يا عزيزى نحن فى فريق الضلمة علم وفوقه نار


ازيدك فى القصة محنة

نحن ناس ود رضوان

نحن ناس اولاد عيسى

ونحن فى كل كلية مقعد

ونحن ونحن ويا حليلنا نحن
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي
avatar

عدد الرسائل : 513
تاريخ التسجيل : 28/10/2007

مُساهمةموضوع: رد: حلكنتيش وبس   الثلاثاء 29 يناير 2008, 4:45 am

حب تقنية



لنت ده حاجه عجيبة خالص
تعرفت فيها على بنت
راسلتها في الميل .. وبدى قلبي ليها يميل
غابت عني أيام وليالي .. دورت عليها في كل مكان
دورت عليها في (google )و(yahoo) وكتبت ياناس ياهو
حبيبي تايه وين ألقاهو؟ .. ولا حد رد عليا!
نصحوني ناس الخبرات .. قالو لي دور عليها في الشات ......


الشات ده مليان بنات من كل الألوان والجنسيات
دخلت الشات .. ودورت من بين القنوات
ما لقيت نكها من بين النكـــــات
كلمت لي زول من اليابان خبير في الكمبيوتر فنان
قلت ليهو هاو آر يو قال لي شنق ينق (فاين ثانكيو)
قلت ليهو أنا من السودان .. مشتاق لحبيبتي ولهان
و ده النك نيم ليها دلني عليهــا يا زول
أخد مني الزول النك وقعد يتكتك تك تك تك
لحد ما لقاها !..
قالي ( شونق يق يق يو ) تلاقيها في الآيسيكو
دخلت ليها في (الآيسيكيو)
ولقيت حبيبي اللي ضيعتو
و بكل لهفة وشوق كلمتو..
قالت لي : بدك شــو؟!
قلت ليها انتي البنت اللي أدور عليها من زمان
قالت لي : أنتا من أيا مكان ؟
قلت ليها أنا من السودان
وراسي مثل الرمــان
وكرشي شوي مليان
ولوني أفتح من الخنفسان
قالت لي : شو أفتح من الخنفسان !
مامعئوله هيك انسان !..
أنا بدي راجل فهمان أبظاي متل السوبر مان
ولونه أبيض فتحان .. مافي منو في البلدان
ولأني حلوه ومن لبنان
وبمشي متل الغزلان
وطرفي حلو ونعســـــــان
و وجي ينور متل الشمــــــع دان
ما بأبل أتجوز من السودان !
والا أفريقيا ولابلوشتنا!
بدي ويحد فتحان أبيض مثل الأسنان !
ممكن يكون من لبنان
وإلا من شرق أوروبا
والا حتى من كردستان
لأني حلوي وبيضه من هذول أخلف صبيان
الزول بقى يقرى الكلام وهو زعلان
جالو اكتئاب وصار تعبـــــان
كره حياته وصار ندمــــان
ترك النت وهو غضبــــــان
وراح يدور على عروسة. سمرة
من كسلا و أم درمان
الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي
avatar

عدد الرسائل : 513
تاريخ التسجيل : 28/10/2007

مُساهمةموضوع: رد: حلكنتيش وبس   الثلاثاء 29 يناير 2008, 4:58 am


هوى يا وليد يا دلوعة يا مرنوعة
أعدل إيدك المفدوعة
واتلحلح واقيف دغرى وواس صدرك
مع صدرى واتشدّع
ليك الحق
شان ولدوك فوق اسفنج
و أول جديد سوهو ليك بالبنج
وهسع هوايتك إنك تلعب البنق بونق
وليك الحق عشان فطموك بعد مازدتا فوق سنتين
وفى سن عشرة نومك كان على الليدين
غطاك بالشاش وفرشك بحرير الصين
والبتدورو كلو بتلقى غاب قوسين
ابوك مليان وجيبو سمين وقلبو سمين
وفاتحلك حساب فى البنك والتأمين

وليك الحق
عشان ما خضتا فى وحل المطر والطين
ومن الترعة ما سويت شراب الهين
وما قيلتا فى ضل دومة بى فرعين
وما شاققتا عرق النيل مع الوزين
وليك الحق
عشان ادمنتا عيشة اللين
مشي الاسفلت ما جربتو بالكرعين
ركوب اللورى فى شمساً تصر العين
وما عانيت وقوف الصف وراء التموين
عشان يا انتى ما بتدرى سجل ابواتك البدرى
دحين اسمع .. أقيف واسمع
سماك الباكى مجدو الزال
يا ما كانوا تحتوا رجال
ابوخنجر وابوشوتال
والصقر البجيك خوجال
صوتن كان يمين جلجال
ومكسيين كمال وجلال
لكن الزمن اسرع
سيفن بلحس الفقره
وما كان برضو بالحقرة
وكانوا بضبحوا الشقره
وكانوا بضوقو العادوه نوم الكوع
وكانوا بموتوا فى شان حرمة المفزوع

الجعلى اب شرابا حار وقالوا بعدى يومو خنق
والشايقى البياكل النار وفوقو نحاسو متخنق
ودرفون البجا الصقار حاقب سيفوا ياكل الشق
والغرباوى عينو شرار وكضب القال عندو عرق
والنيلى البعرفوا كتار على كتل الأسود جرّق
والبطحانى والشكرى وغيرهم من أهل فخرى
ومنهم أصلى لا بشبع ولا بقنع

هوي يا وليد
.


الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي
avatar

عدد الرسائل : 513
تاريخ التسجيل : 28/10/2007

مُساهمةموضوع: رد: حلكنتيش وبس   الثلاثاء 29 يناير 2008, 4:59 am




وفى سن عشرة نومك كان على الليدين
غطاك بالشاش وفرشك بحرير الصين
والبتدورو كلو بتلقى غاب قوسين
ابوك مليان وجيبو سمين وقلبو سمين
وفاتحلك حساب فى البنك والتأمين

وليك الحق
عشان ما خضتا فى وحل المطر والطين
ومن الترعة ما سويت شراب الهين
وما قيلتا فى ضل دومة بى فرعين
وما شاققتا عرق النيل مع الوزين
وما عانيت وقوف الصف وراء التموين


الجعلى اب شرابا حار وقالوا بعدى يومو خنق
والشايقى البياكل النار وفوقو نحاسو متخنق
ودرفون البجا الصقار حاقب سيفوا ياكل الشق
والغرباوى عينو شرار وكضب القال عندو عرق
والنيلى البعرفوا كتار على كتل الأسود جرّق
والبطحانى والشكرى وغيرهم من أهل فخرى
ومنهم أصلى لا بشبع ولا بقنع

ود ابن ادم المسكين نجاتو تحت قرون التور
والعوتيب يجيك يجرى يشيلك وانتى ما بتدرى
وما بيرفع

هوى يا وليد ...
حصل سادرتا بالديداب
وقدامك مراحك وراكب الخباب
ودربك طولوا يملا العين
سحاب وغبار ومويتو سراب
وهوى كرباجك البكاى
يبكى على ضهور الضمر الانجاب
وتسرى الليل وما تضوق هجدة
لو كان النجم ما غاب
وبعد أيام تجيك لفته
ويلوحلك فى البوادى سحاب
وتكرف من دعاش العينة تملا رئاك
عطر وأطياب
تلقى الوادى خضر زى تقول
ماكان خراب ويباب
وبت ام ساق تقييل من ضحاها
على المعالى ونسمة الهباب
وتفرش ليك حزمة نال تحت
سيالة تريانة فروعها قراب
وتنفخ كل آهاتك مع المزمار
تصوغ الحان ملانة شباب
وتنسي الدنيا كل الدنيا
ماعندك معاها حساب
خلاف برقا يشيل حرقاص
أو رعدا تقول رصاص وكت فركع

وتلقى هناك بنات بلدك ولاد بلدك
يعلو الصفقة تقدح فى القلوب الشوق
ونغم الفال ابشرن يا بنات بالخير
والجنيات تطير لا فوق
وكم زغرودة تتفجر تفور بالناس بعد ما تروق
يعوم الوز صدورو تشابى للمجهول وما بتضوق
تميل زينوبة زى البان يمين وشمال تودى الطوق
واخوان ام شلخ ينكبو جوه الداره
زى صقرا نزل من فوق
ضرب الصوت والركزة بيفرق الناس


ومشيت المركب الغرقاني بين موجتين
طفروا منها النواتا بطن اللجّة قالوا اخير
تماسيحاً يقالدوا الموج يصارعوا
عتاوة العرق الكتالو مرير
ديل يا وليد ولاد النيل
نهرتوا يمين تسوى الفاق
ومراً أصلاً لا ضاقوه لا بنضاق
كفاك يا وليد بلاش فاقة
خلاص أنا تهتا فى الاشواق وما برجع
وهسع ضمة لا شايفك ولا بسمع .



الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي
avatar

عدد الرسائل : 513
تاريخ التسجيل : 28/10/2007

مُساهمةموضوع: رد: حلكنتيش وبس   الخميس 31 يناير 2008, 1:39 am


لاقيتو فى الماسنجر
خلانى زول كسمبر
كتبت ليه رسالة
وعملت ليها إنتر
أدانى كلمة حلوة
تكتل قليب عنتر
قال لى سمح حديسك
ينقط عسل وسكر
قُت ليه عايز أشوفك
قال لى بلاش تهظر
أنا مابشوفنى زولن
فى الكى بورد يفرفر
أنا بت جميلة خالص
بدور لى زول غضنفر
كدى رسل لى صورتك
بعدين براي بقرر
كتلت قليبى خالس
واحساسي صار مدمر
رسلت ليها صورة
شينة وكمان مصنقر
وقعدت راجى كلمة
من الحليوة سكر
وانا فى قليبي راسم
صورة الدهب مجمر
واحساسي بى جمالها
زى مدفعن معمر
جاني الخبر صقعني
بلوك فظيع مدمر
ومن يومي داك أفتش
فى كل ايميل ماسنجر
وما لقيت غير هامر
فى الحوش قاعد فى بنبر
شين شناتو مرة
زى مرفعين فى بربر
ما بكوس غير المشاكل
وبين السطور بيهظر
مديدة حارقاني
وفى الشكل بيحرر
ومازلت كل يوم أحلم
أن الحبيبة تغفر
لو مرة بس تقول هاي
وترجعني للماسنجر

الرجوع الى أعلى الصفحة اذهب الى الأسفل
حافظ العبيد الطاهر
قلم ذهبي
قلم ذهبي
avatar

عدد الرسائل : 513
تاريخ التسجيل : 28/10/2007

مُساهمةموضوع: رد: حلكنتيش وبس   الخميس 31 يناير 2008, 1:44 am

يا ناس القصائد كلها منقولة من منتديات اخرى ودى للامانة الانترنتية والكيبورتية وعلشان الشبكة العنكبوتية ولو فى واحد شاركنا اكيد نحن بنعمل كونكشن سويا وتطلع حاجة انتر اكتفية وشكرا


ود العبيد
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي
avatar

عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: حلكنتيش وبس   السبت 02 فبراير 2008, 11:20 am

هههههههههههههههههه ..يارائع يا جميل يا ود العبيد
والله انت منور محل ماتكون ... انت عارف يا أخوي
أنا قاعد أضحك من الأعماق ... ولي والله زمن طويل
قعدته اقرا في القصايد مره ومرتين ... وتلاته وأموت من الضحك
لك محبتي ياغالي ,,,,نحنا راجين الجديد على أحر من الجمر ....

الرجوع الى أعلى الصفحة اذهب الى الأسفل
http://aljraif.yoo7.com
الهندي بشير نابري
قلم ذهبي
قلم ذهبي
avatar

عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: حلكنتيش وبس   السبت 02 فبراير 2008, 11:24 am

حافظ العبيد الطاهر كتب:
يا عزيزى نحن فى فريق الضلمة علم وفوقه نار


ازيدك فى القصة محنة

نحن ناس ود رضوان

نحن ناس اولاد عيسى

ونحن فى كل كلية مقعد

ونحن ونحن ويا حليلنا نحن

وكلاااااااااااااااااااااااااااااااااااااااام ياعوض دكـــــــــــــــــــــــام
الرجوع الى أعلى الصفحة اذهب الى الأسفل
http://aljraif.yoo7.com
حافظ العبيد الطاهر
قلم ذهبي
قلم ذهبي
avatar

عدد الرسائل : 513
تاريخ التسجيل : 28/10/2007

مُساهمةموضوع: رد: حلكنتيش وبس   السبت 11 أبريل 2009, 6:26 am

يا جماعة الخير


السلام عليكم جميعا

يا جماعة انا بفتش فى قصيدة جلمنتيشبة قديمة جدا اسمها السمستر

لو فى واحد حافظها ياريت ينزلها لينا فى هذا البوست رجاء
الرجوع الى أعلى الصفحة اذهب الى الأسفل
 
حلكنتيش وبس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: ساحة الخواطر-
انتقل الى: