حكومه لا تهتم بشعبها ومطلعه روحو

السلام عليكم يا ناس ندخل طوالي في الموضوع.. انا بي الجد بطني طامه من البلد اي واحد مغترب يشكر في السودان ويقول يا بلدي بلد بتاعة الساعه كم والله نحنه روحنه طلعة اشتغلنا سواقين كرهونا بي الايصالات حلاق نفايات وضرايب كرهونا . ببيع رصيد كرهونا نعيش كيف نربي اولادنه كيف وبعد داك يجي ناس المغتربين يقولو السودان سمح الوطن لو الواحد شاف الفلس لما يكون ولدو عيان وما عندو حق الفطور بعرف الوطن الواحد لما يكون خارج السودان بتذكر اللحظات الحلوه ما بتذكر الفلس احتمال يا اخوان اكون بي الموضوع ده شويه عصبتكم انا ما قاصد الوطن بس خايف من ............ يجيبو خبري والسلام عليكم
غضبان

وين الشباب وين المشاركات؟؟؟

عكس الناس

كده صاح الاسم ؟!!
كدى نعرف انت منو فى الاول ونشوف
وتشوف

عكس الناس
بلدى وان جارت على عزيزه ولزيزه ولزيزه واهلها وان ضنو وجننوننا جن ياهم اهلنا المحل ما اطش اشوفم فى سماى نجوووووووم
انا لايهمنى الاسم المستعار لكن يهمنى ما كتبتبت نحن كشعب لم نفرض عليك النفايات او الضرائب فرق بين الوطن والحكومه واظن دى المره المليون القلت فيها العباره دى .....
لك التحيه
ولا تيأس

سلام الاخوه الكرام... يا اخونا ابو تراجي انا بهتم بي الموضوع و النقاش فيهو قبل الاسم اشان ماتكون في مجاملات زي ماحاصل في المنتدى . ويا اخونا ود السر بابكرانا مافصدي الوطن بس لما الواحد يكون عايش في السودان بواجه الواقع والواقع في السودان والسودان الوطن

مشكورين يا شباب واديكم العافيه علي المشاركات يلا سلام.

عكس الناس؟؟؟؟؟؟؟

لا تيأس.... حاول ... مره....اخرى....لاتيأس.

يعني ياشباب اشان الموضوع خاص بي الحكومه ما عاوزين تردو طيب اوكي ناقشوني
ولا موضوعي ما بستاهل النقاش

رغم بعدى برسل سلامى يحوى شوقى وكل احترام
الرائع عكس الناس
سلامات
والله موضوعك شيق ومافيهو اى كلام يتعاب
وانا واحد من شريحة (المنتحرين)المغتربين وكان الاغتراب بالنسبه لى يمثل آخر الحلول
عندما اصبحنا فى صراع ابدى يكون فية البقاء للاقوى
يعنى لما ضاقت بينا المعيشة فى السودان فكرنا فى الاغتراب بعنى (جبرنا )على الاغتراب
ومعلوم لدى الكل الوظائف فى السودان اصبحت محصورة فى فئة معينه (اهل الولاء)
وما دونهم مصيرو (الضل والدكه اوالغربة)

عكس الناس كتب
كرهونا بي الايصالات حلاق نفايات وضرايب كرهونا . ببيع رصيد كرهونا نعيش كيف نربي اولادنه كيف؟؟؟؟؟؟
السؤال محول لاعضاء المؤتمر الوطنى
ومن ناحية الفلس ومادراك ما الفلس والله معظم المغتربين (عاشوهو)فى السودان وده السبب الاساسى فى اغترابهم ولو كانوا زى انت ما متصور (مرطبين ) ماكانو اغتربو وللا شنو؟؟؟
ويا عزيزى بلدى وان جارة على عزيزة واهلى وان ضنو على كرام
التحية لك وانت تعرق من اجل اللقمة الشريفة
كسرة:
ناس تعرق عشان الساونا وناس تعرق عشان اللقمة!!!!!!!!!!!!!!!!!!!!

ناس تعرق عشان الساونا وناس تعرق عشان اللقمة
اديك العافيه يا شاب علي مشاركتك بس نحنه الحمد لله اترقينا من مرحلة الشجر

يا نساليه

يا اخونا ابو تراجي انا بهتم بي الموضوع و النقاش فيهو قبل الاسم اشان ماتكون في مجاملات زي ماحاصل في المنتدى .
عكس الناس مشكورعلى الرد بس لم تجيب على سؤالى وانا لم ادخل بعد فى الموضوع ولكنى هممت بمعرفتك اولاً ومن ثم ادلى بدلوى فى الامر وانا ليس من المعنين بكلامك عن المجاملة ولا اظن ان الردود مربوطه باسماء اصحابها ولكن مربوط بفهم ومبدء المتداخل
اعيد سؤالى لاعرف من عكس الناس ؟؟
علماً بانى من الناس الذين تكون عكسهم !!!
دعنى اعرفك اولاً لاحدد فى اى الاتجاه انت
لاعرف اتجاهى

اخونا ابو تراجى كلامك عين العقل وشكلي لو كان كلامك كده انا ما عكسك معاك .و انا شايف اي حد يشوف اسمي بيفهمني غلط انا عكس الناس في امور في مجتمعنا ما صحيحه فهمتوني يا شباب ويا اخوي ابو تراجي اعفينى من اسمي واديك العافيه
سلاااااااااااااااام

الغالي عكس الناس

سلام وتحية واحترام وتقدير
والله هذا كلام من رجل نظيف وصادق وكلام
بلدي مفهوم لكل الناس بس بعض الناس ما بتحب الحق
وبخصوص المغتربين ؟؟؟؟؟؟؟؟؟؟؟؟؟؟؟
والله الشوق الذي لديهم للوطن وقناة السودان التي تبث الجيل فقط
وهي قناة حزب واحد .
وكل مغترب لديه زميل في العمل من جنسية او جنسيات مختلفة
والكل يمدح وطنه والحكومة هي بوابة الوطن يشملها المدح
(وظرف البشير الأن كل هذا ينعكس على ابصارهم ويظنون أن الحكومة أو النظام جيد )
وكما تعلم نحن شعب مجامل .
لا ينظرون للامراض ولا الحوجة التي جعلت الحرة تشحد ينظرون فقط الكباري والشوارع
والله يكون في عون الموطن المسكين .
لكن اخي العزيز الوقت الان ليس وقت خلاف ؟؟؟؟؟؟؟؟
يجب أن نكون صف واحد .
اسمك جميل وكما يقال العكس صحيح

الغالي عكس الناس .. أريتك تبقى طيب ...
أولاً المجاملات .. لو كان المقصود بها التراشق الجميل بين الأعضـاء فهذا من أجمل آداب النقاش والحديث
لما يفضيه من محبة بينهم ويعكس الاحترام المتبادل ..
أما إذا كان المقصود الميل عن الحقيقة في ابداء الرأي الصحيح أو الانحياز لرأي الآخر بناء على العلاقة
المبنية من خلال معرفة الأســماء فهذا خطأ على كاتب الرد وهذه مسألة تخص شخصيته وتعبير عن رأي
ممكن أي يحسب عليه وهذا لايمس المنتدى كثيراً .. لذا فأنا لا أتفق معك في ماقلت في المقتبس أدناه

اقتباس :: يا اخونا ابو تراجي انا بهتم بي الموضوع و النقاش فيهو قبل الاسم اشان ماتكون في مجاملات زي ماحاصل في المنتدى

في وجهة نظري شخصياً لا أعترض على الأسماء المستعاره ...لكنــي أرى أن قابليتها لدى الناس قليلة
فيمكنك ان تكتب متريد بلا حدود ولاقيون ... لكن بالاسم الحقيقي تضع اعتبارات كثيرة وتزن حديثك
والفائد الأخرى الأعظم ربط حبــل المودة بينك وبين من يعرفك من اهل المنتدى الكرام . ولك الخيار كما تشـاء .

الحكومة والظروف الحالية في السودان : الوطن ومشاكله وغير ذلك .. لكل ياسيدي أن يقول ما يشاء لكن المهم
أن نتفق جميعاً على كلمة واحده قالها ود ريـا ( عبدالرحيم حطي )

اقتباس :: لكن اخي العزيز الوقت الان ليس وقت خلاف ؟؟؟؟؟؟؟؟
يجب أن نكون صف واحد .

عكــس الناس لولاك لما كانت هناك حقائق تكتشف ولا أخطاء تعدل ..
كن بخير سيدي ولك منى ما تشتهي من الامنيات

سلام شديد عمي عبد الرحيم طمنتني شويه اني ماشي علي حق
واديك العافيه علي مشاركتك. وانتقل الى الخال الهندي بشير نابري اول اوجه لك تحياتي وسلامي لك واشكرك علي مشاركتك وثاني يا خال الوحده لها طعم خاص وطعم جميل اذا كانت في الصواب. بعدين انا شايف الناس خلو الموضوع وفتحو موضوع تاني الاسم المستعار بكرر لي المره الثانيه انا عكس الناس في بعض العادات الغلط وتحياتي لكم سلام

[size=24]يا ولدي الحبيب( عكس الناس )

تحياتي وتحية من خالك الهندي لك
يا ود أختي نحن ممكن نكون انا والهندي قدرك نحن
شباب لكن اخوي الهندي الصلع هو السبب
( والهندي له صفة صلاح وهي عدم التجريح ولا يعرف يخصص)
وهذا والله أدب عالي وانت مثلي .
عليه يجب عليك أن تحضر كل يوم المنتدي ومعك عكاز حينما تقول
ما لا يحبه الناس أو الصمت والنفي إلى القسم الاسلامي هههههههههههه
هههههههههههههههههههههه .
( هذه كلمة حق في شكل مزحة )
اكرر الهندي صاحب قلب طيب واسلوب جميل في الإدارة .[/size]

التحية للجميع بلا استثناء...

لمن هم عكس الناس و من هم مع الناس،،،

و لمن هم مع التيار و من هم ضد التيار...

و من هم مع الإتجاه و من هم ضد الاتجاه...

مشكلتنا أننا لا نسمي الأشياء بمسمياتها، لذلك نفشل في حل قضايانا بصورة واقعية و جذرية، فمثلاً عكس الناس هل تعني عكس الحكومة أم تعني عكس عموم ناس السودان أم تعني عكس فئة معينة من عموم الناس، و كما يقال الأشياء بضدها تعرف،

عموماً يبدو من واقع المشاركات و المداخلات أن الضد في هذه الحالة هو الحكومة الحالية و أن الوبال الذي أتي على الشعب يرجع بالمقام الأول للحكومة و أن الإغتراب و الهجرة بدأت مع هذه الحكومة و كذا باقي المشكلات...

و هذا شيء مخالف لواقع الحال فبرؤية بسيطة جداً للمغتربين في السعودية و الخليج عموماً سنجد أن الهجرة لم تبدأ مع الإنقاذ و الدليل على ذلك إذا قمنا بعمل احصاء لأعداد المغتربين سنجد أن العدد الأكبر هاجر من قبل ثورة الانقاذ وتواصل العدد في الارتفاع بعد الإنقاذ،،،

و نحن كشباب إذا كنا فعلاً نبتغي من كتاباتنا مساعدة أنفسنا و مساعدة السودان علينا أن نورد الحقائق كما هي بدون مبالغات حتى نعالج المشاكل، لأن مشاكل السودان لم تأتي من فراغ و لا يمكن حلها بالتمنيات، هناك مشاكل متجذرة في السودان و هناك مشاكل عابرة، و هناك فرق بين مظهر المشكلة و جوهر المشكلة، فإذا أردنا حل المشكلة علينا أن نغوص في أعماقها حتى نرى مسبباتها و نعمل على حلها أو على عرضها صحيحة حتى يستطيع غيرنا حلها،،،

و لكن المشكلة من يحل ماذا؟؟؟

حتى اليوم لم نعرف من هو السبب في المشكلة، بل حتى اليوم لم نعرف ما المشكلة و لم نحدد أبعادها ؟؟

لسبب بسيط أننا ننظر للمشاكل مجزأة فترانا نناقش تداعيات المشكلة و أعراضها و ننسى المشكلة في أساسها، الكل في السودان عكس الناس، لأن الكل يريد أن ينظر للمشكلة من وجهة نظره، هذا فضلاً عن احساسنا العميق أننا أفهم الناس و أننا على حق و بقية الناس على باطل، إذا كنا فعلاً على حق فيجب أن نؤمن أننا مع الناس بأشواقهم و أحلامهم و تطلعاتهم، بل علينا أن نؤمن أنه حتى لو عارضنا الناس فإننا في اتجاههم لأننا نبتقي مصلحتهم و في سبيل سعادة الناس نتنازل عن بعض حقوقنا، لأن مصلحة الناس تقتضي أن كل الناس عليهم أن يتنازلوا طواعية عن بعض حقوقهم لتكوين مجتمع سلمي،،،

نحن مازلنا نؤمن أن الدول تبنى بين عشية و ضحاها، و مازلنا نؤمن أن تغيير الحكومات سيغير أحوال الناس للأفضل ضرورةً، و ننسى أن الناس هممن يغيرون الحكومات، دعونا نناقش قضايانا بعقلانية حتى نستطيع تكوين رأي يتفق عليه الناس جميعاً و أن نكون مع الناس و ضد الأفكار الهدامة، لأن التعميم في الحديث يقتل الحقيقة و يحيد بنا عن التفكير السليم، و التحديد وحده هو الذي يمهد للحل الصحيح،

مع تحياتي و أمنياتي أن نكون جميعاً مع الناس،،،ش

عكس الناس كتب:: . بعدين انا شايف الناس خلو الموضوع وفتحو موضوع تاني الاسم المستعار بكرر لي المره الثانيه انا عكس الناس في بعض العادات الغلط وتحياتي لكم سلام

كلامك صاح باعكس الناس

بعض الاعضاء يتركون الموضوع الاساسى ويتجهون الى سفاسف الامور
من المفترض ان يهتم الاعضاء بالموضوع وفحواه وليس باسم كاتب الموضوع لان اسم كاتب الموضوع
لايعنى لنا شئ بقدر مايعنى لنا الموضوع نفسه
ومن المفترض لو كان كاتب الموضوع (عطية او جبريل او ساتتينو) يكون (رايك ياهو رايك)
بدون كذب ونفاق ومجاملة .
خلاصة القول: ناقشو الموضوع وماعليكم بالاسم الحقيقى لكاتب الموضوع لانو ده ماموضوعنا

اديك العافيه يا اخونا نساليه مشكور كلامك صح في صح الموضوع لا يتغير اذا اختلف كاتب الموضوع او لا

عكس الناس كتب:: اديك العافيه يا اخونا نساليه مشكور كلامك صح في صح الموضوع لا يتغير اذا اختلف كاتب الموضوع او لا

سلام الخال عبد الرحيم والخال الهندي بشير اديكم العافيه علي المشاركه . بعدين الهندي عرفناهو مصلع انا بي صراحه شاكي في عمتك دي ما ساي انت برضو مصلع ههههه بي وين تكونو قدري انتو الاتنين تلبتو50 وانا يادوبي ما مرقته من26 يعني الاتنين بتلدوني ههههه. ادوني فرصه امشي لي اخونا صديق النعمة شكلو شاني علي هجوم عنيف

سلام اخونا صديق النعمة اول حاجه مشكورين علي المشاركه وبعين يا استاذ انا عكس الناس في الغلط وما كل شخص عكس الناس معناهو انو ماشي غلط واديك العافيه سلام

شكراً ليك على الرد الهادئ، بس عشان ما تفهمني غلط تعليقي على الاسم المستعار كان من باب رفض الجميع للإسم المستعار كمبدأ و خصوصاً المشرفين و بقدرة قادر كده إتحولت النظرة من رفض قاطع إلى قبول بدون تحفظ، عموماً ده شيء طبيعي في دنيا الناس تغير و تغيير مستمر، لكن لا بد من الحذر بس عشان بعدين الناس ما تقول يا ريت الكان ما كان و الشغلانة تفلت لأن التنازل من المبدأ ليس بالأمر الهين و القصة حا تجر، يعني الهجوم ما عليك،،

يلا يا خوانا عشان تسالية ما يزعل، نمسك مشكلة مشكلة عشان الناس تركز و تحاول تناقش بموضوعية و ما تكون الشغلانة كوراك ساي و الحمد لله كلنا شبعانين كوراك، و لو ما وصلنا لحل على الأقل بنكون فهمنا أبعاد المشكلة و قربنا من بعض أكتر،،،

مع تحياتي و عليك الله حكاية الهجوم دي تفها من خشمك أنا نفسي لحدي أسه قايم من تسالية،،،

سلام اخونا صديق . نغير الموضوع من سياسة السودان الى سياسة المنتدى اول حاجه يا اخونا صديق حسب كلامك انت بتقول انو الاسامي المستعاره مرفوضه من قبل الجميع وخاصه المشرفين

طيب انا شايف اسامي مستعاره كتيره ولا الاشكاليه في معنا الاسم المستعار؟؟؟ وبعدين شايف في تحذير
يقول اخونا صديق ((لكن لا بد من الحذر بس عشان بعدين الناس ما تقول يا ريت الكان ما كان و الشغلانة تفلت )))ياريت توضح اكتر .وارجو من جميع المشرفين في التناقش معنا في الموضوع الخارج من قفص العنوان والسلام عليكم

يا أستاذي العزيز الشغلانة و الله ما شخصية و لأني ببساطة ما عارف إنت منو و من رابع المستحيل أهاجمك في شخصك، كما لو أنني أهاجم طواحين الهواء،،،

و الشغلانة ما مستاهلة ده كلو.. و التحذير بس من باب أننا ربما نتعرض لدخول من شخص مبهم و نسمع كلام ممكن يجرح مشاعر الأعضاء لأن الفضاء مفتوح للكل و بدون حواجز، و إذا كنت إنت من الناس الذين يعاكسون الأخطاء في مجتمعنا دا و الله شيء كويس و بنعتز بيهو و بنفتخر إنو طلع من بينا واحد همو إصلاح حالنا و بنقيف معاك حتى النهاية و بندافع عن آرائك أكثر من دفاعنا عن آرائنا،،،
أنا معك أن الأسماء المستعارة موجودة في المنتدى، و أزيدك في الشعر بيت ممكن واحد يدخل بإسم منمق و مرتب و يكون زائف، لكن نحن بس بقدر الإمكان بنحب في منتدانا دا نتحاور مع بعض زي كأننا قاعدين في جلسة حقيقة لأن الأيام ستمضي و سنلتقي إن أمد الله في العمر جميعاً في الجريف و دا غاية ما نتماه، لذلك بكون جميل و رائع عندما تحاور شخص و تعمل على رسم شخصيته في ذهنك و تحاوره من على البعد و تتشوق لرؤياه في يوم من أيام الله، و بالمناسبة عن طريق قراءة المواضيع المختلفة بتتعرف على الناس أكثر مما لو أنك قابلتهم حقيقة لأن الكتابة أحياناً تخرج من دواخلنا ما لا نريد إخراجه، و كده حتى الناس الذين تعرفهم ستعرفهم أكثر و أكثر،،
القصة إننا بس عايزين نكون أهل و أحبة ما قصة إننا بنحذر و نتوعد لأن المنتدى ملك للجميع و الجميع مسؤول من حمياته، وطالما إنك مصر على الإسم فليكن، و لكن إعلم أنك ستفتح الباب لأناس آخرين شذاذ آفاق ممكن يضروا المنتدى،،
و لك فائق شكري و احترامي و ربنا ما يجيب خلاف،،،

علينا ان نحدد ما هو المطلوب من الحكومة وما هو المطلوب من المواطن

وعلينا ايضاً ان نكون دقيقين في حديثنا وان نكون صادقين في ما نقول وان نقر
بما هو موجود على الأرض حتى ولو كان ضد هوانا وضد ما نتمنى