............

حبابك عشره يا زائر
 
الرئيسيةالتسجيلدخول

شاطر | 
 

 نصائح "أم سودانية لبنتها ...

اذهب الى الأسفل 
كاتب الموضوعرسالة
شمس الدين السيد علي عمر
عضو فعال
عضو فعال
avatar

عدد الرسائل : 164
العمر : 37
تاريخ التسجيل : 07/08/2008

مُساهمةموضوع: نصائح "أم سودانية لبنتها ...   السبت 29 نوفمبر 2008, 3:21 am

نصائح أم سودانية لابنتها


يا بت هوي فتحي عينك وابقي نجيضة وفالحة .....



قدر ما أجي داخله عليكم القاكي .... هي هي هي .... و قر قر قر ..... تضحكي مع عبد الله دا....



الراجل ما تضحكيلو كتير.....



يسعلني الله بعدين يحقر بيك....



الراجل اديهو العين الحمرا.



وان قدرتي لعند ايدك تلحقيها ليهو لحقيها...



ابقي نجيضة.....



آآي ..... زي امك.....



الله بسعلني وقت ابوكي يقول حاجة تضحك....



امشي اتحشر في الاوضة واضحك زين واجي مارقة صارة وشي....



وبعدين اوعك وأوعك وبعدين تااااني اوعك... تقوليلو الجلابية دي سمحة ولا العمه اللابسها دي سمحة...



نفسو تقوم تعجبو يعرس فوقك.... وبعدين تشربي ما تروي....



واكربيهو بالطلبات.... اوعي تخلي لك قرش يبيت في جيبو...



واوعك تخليهو يشوف.ال...... بيخربن الرجال



وقت المسلسل داك يبدا جيبي فندكك واقعدي دقي أي حاجة جنبو ... ويا ريت لوكانت شطة...



ولا كان شافعك جيعان وداير يرضع وبيبكي خليهو في بكاهو داك لمن المسلسل ينتهي....



وبعدين ما يجى داخل يلقاكى تغنى ...



حتى ان بقيتي دايرة تغني اوعك من الغنا الخايس ناس حبيبي حبيبي ....



امسكي في الغنا الحار زي "البيجري مصيبتو و مرتو طلقانة" ولا "اندب حظي"



ولا "دفاعنا الشعبي ياهو ديل" ولا "النار ولعت بقلبي بطفيها".....



اااااااااااي.... عشان تربيلو الزلعة .....والخلعة....



بس اوعك تغني "لو الليلة يوم الرجال"....



بيقوم يصدق و يتحنفش فوقك ساكت........



واوعك تشكريلو حاجة جابها....



ان جاب لك لحم، ختي ايدك فوق راسك وقوليلو:



ووب علي ووب علي ووب علي، غشوك وادوك الجلافيط .....



وان جاب لك فتيل ريحة اول ما تفتحيهو وتشميهو طوالي كشري وقبلي غادي وابزقي



قوليلو: دا شنو يا عبدالله؟......



الريحة المتل ريحة الفسيخ دي جايبها من وين؟



غايتو انت مغستك تقد.......



وان جنك نسوان ولا بنات....ما تخليهو يقعد وسطن....ويتونس....



طيريهو من البيت....



وان ابى يمرق... قدر ما يقول ليو نكته ولا يخفف دمو قدامن صري ليهو وشيك....



وقوليلو: انت يا عبد الله ما عندك غير النكتة دي؟



يا خي عملت لينا بيها وجع ... وش......



اصلهم الرجال عارفاهم ...



الواحد فيهم لمن يشوفلو لمت بنات يقعد يخفف في دمو ويعمل فيها ودنفاش.....



وتلقيهو يضحك بلا سبب...



حتى ان واحدة قحت ساكت ...



يقعد يضحك ويصفق ايديهو....



واوعك تخليهو معاهن وتدخلي المطبخ تسوي ليك شربات .....



وحات الله ... بنات الزمن دا ان غفلت من راجلك دقيقة بس ...



تلقيها عرستو.
الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي
avatar

عدد الرسائل : 817
العمر : 33
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: نصائح "أم سودانية لبنتها ...   السبت 29 نوفمبر 2008, 4:24 am

شمس الدين

تحياتى النواضر


بالغته عدييييييييييييييييييييييييييييييييييييييييييييييييييييل



والله عريس المنتدى( عبدالله ) شكلوا حيسحب عضويتوا
من المنتدى . كلما يعمل دراسة جدوى . تظهر ليهوا حاجة جديدة


لك انته وحدك ابو الشموس
عاطر الود ............... وباقة ورد

ونلتقى....................
الرجوع الى أعلى الصفحة اذهب الى الأسفل
معذ السماني الحاج ياسين
قلم ذهبي
قلم ذهبي
avatar

عدد الرسائل : 624
الاقامة : السودان
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: نصائح "أم سودانية لبنتها ...   السبت 29 نوفمبر 2008, 5:14 am

كتب شمس الدين السيد
الواحد فيهم لمن يشوفلو لمت بنات يقعد يخفف في دمو ويعمل فيها ودنفاش.....

والله ياشمس الدين

خليتني اضحك من الاعماق
ولك كوم من الود
وياعبد الله ياخوي
خلي الدراسات وعرس
عشان الناس تفكك
ولينا عوده
معز السماني
الرجوع الى أعلى الصفحة اذهب الى الأسفل
شمس الدين السيد علي عمر
عضو فعال
عضو فعال
avatar

عدد الرسائل : 164
العمر : 37
تاريخ التسجيل : 07/08/2008

مُساهمةموضوع: رد: نصائح "أم سودانية لبنتها ...   السبت 29 نوفمبر 2008, 7:14 am

الاخوة / عبـــــــده - معذ

مرحب بكم وشكرا كثيييييييييييييرا للمروركم وردكم الرائع ، فدمتمن لنااااااااااااااااااااا
الرجوع الى أعلى الصفحة اذهب الى الأسفل
الطيب الامام الطيب
قلم ذهبي
قلم ذهبي
avatar

عدد الرسائل : 1225
العمر : 45
الاقامة : السعودية
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: نصائح "أم سودانية لبنتها ...   الثلاثاء 02 ديسمبر 2008, 12:41 pm

شمس الدين لك الود يامبدع وياخى كان تشوفلك اسم تانى دحين الزول ده بندردق فوقه للعرس ماتطفيشوا علينا
الرجوع الى أعلى الصفحة اذهب الى الأسفل
شمس الدين السيد علي عمر
عضو فعال
عضو فعال
avatar

عدد الرسائل : 164
العمر : 37
تاريخ التسجيل : 07/08/2008

مُساهمةموضوع: رد: نصائح "أم سودانية لبنتها ...   الأربعاء 03 ديسمبر 2008, 1:42 am

يا ابو الطيب هووووووووووووي ما تسوها فيني ساكت كدا


انا ما عملتة شي زولكم دا براهووو متردد وما داير ليه عرس

وبعدين مافي نسيبة بتحمي العرس ، لو عايز الجيني وانا بديهو نسيبة حسب تفصيلو

بس في الاخر يقطع حيلتو ويقوووووول تمممممممممممم والباقي اخليهو علينا
الرجوع الى أعلى الصفحة اذهب الى الأسفل
 
نصائح "أم سودانية لبنتها ...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: ساحة الخواطر-
انتقل الى: