هيا الى المساجد

المسجد يعتبر الدار الجامع البتقابل فية المسلون بجميع سحناتم ودور المسجد فى الاسلام معروف بل توجد مساجد اثرت فى الحركة السياسية فى العالم بل فى السودان ايضا كمسجد الجامعة انا بس داير اعلق على مساجد الجريف وكمدخل عايز ازكر مثال عشان يساعدنا فى طرح الموضوع حدث فى احد مساجد الجريف نقاش مفداة انو الامام بغلط كتير فى التجويد ويجب تبديلو المشكلة انو الامام زول كبير فى السن وجدة فلان فوجد حماية والغريب انو فى امام ممتاذ يجيد القراءة لقى تأيد وبقى فى صراع بين التجديد والماضى .الظريف فى الامر انو المجموعتين وصلو لتسوية القديم عشان الاخطاء يصلى الضهر والعصر والجديد بقية الاوقات انا شخصيا للحال الزى نحياة بعتبرو حل نموزجى(واللة زى اتفاقيات السلام)وامتداد للغيبوبة البنعيش فيها وطبعا فى مسجد الشخص الواحدوالكثير المثير .المساجد غير الدعم المالى بتحتاج انو تدور فيها انشطة انشاءاللة جريدة بى ابسط التكليف يا ناس السعودية الاشرطة بتاعت يهدى ولا يباع دى شوفو طريقة جيبوها معاكم ومافيها جمارك متخافو ويا حبذا لوكانت بتتناول مواضيع عامة ما مذهبية الجامع بحل لينا مشاكل كتيرة فى الجريف ممكن اطلع ائمة الناس من العيال اصلحو الحال والنبي قال علية الصلاة والسلام الخير فى وفى امتى .

http://www.islamway.com/?iw_s=outdoor&iw_a=outlessons&lesson_id=3838

حمامة المسجد

كلامك صح يا أيمن وأنا بقوليك الحاجات بقت كلها زي

إتفاقيات السلام وإنشاء الله الحال إتصلح .
والسلام عليكم

مشكور أخي أيمن على هذه الفكرة

وعشان نعيد للمساجد هيبتها أقترح عليك أن تكون داخل المسجد مكتبة صغيرة أو بالأصح دولاب توضع فيه بعض الكتب والشرائط والمجلات الدينية وأن تكون مغلقة بمفتاح فى بداية الأمر عشان الواحد ما يشيل ليه حاجة ويعمل نائم وأن تكون فى بداية الأمر مقصورة على المداومين للصلاه ولو كلو واحد من المداومين على الصلاه جاب ليهو كتاب أو شريط أو قراء من هذه الكتب نبقي وصلنا لغايتنا

ودمتم سالمين

عزيزي أيمن

لك التحية والوفاء
طبعاً الموضوع في غاية الأهمية ، فما نرآه في مساجدنا يصيبنا بالاحباط والتشأوم فإذا كانت دور العبادة بهذا الشكل المخزي فكيف يكون الحال في بعض الأخريات .
ما تناوله الأخوان في حديثهم الطيب يجب أن يؤخذ بعين الاعتبار وعلينا تنفيذه بأسرع وقت ممكن
و أريد أن أضيف شيئاً هو إننا بحوجة إلى نظافة المساجد حتى تتثنا لنا العبادة في فرح بهي فكيف نأتي لكي نتعبد وحال المساجد ينفر البعض منا لعدم وجود دورات المياة النظيفة .... والكثير مما تعرفون ؟!
فكما تعلمون أن دور العبادة لكل الديانات تجتذب الناس عن طريق نظافتها وترتيبها وأهتمام رهبانها وشماميسها بظهورها بالشكل الأمثل !
فكيف يكون حال بيوت الله في الأرض ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولكي نكون نحن في منتديات الجريف شرق لنا دور في النهوض بالمنطقة أقترح أن يتم تقسيم الأعضاء إلى مجموعات حسب تواجدهم الجغرافي ويتم الاستعانة بأندية الرابطة وتكون هنالك حملة المساجد ويكون ذلك برعاية منتديات الجريف شرق حتى يعرف الجميع ما نقوم به فعلاً عملاً جليلاً
ونرجو من الأخوة داخل السودان بالتحرك المباشر .
أما بخصوص الأعضاء خارج السودان فسوف نقوم بالدعم ما يوفقنا الله فيه ، وسوف نتحرك في جمع الأشرطة والمصاحف والكتب وربنا يوفقنا .
أخونا أيمن
الرجاء التحرك بأسرع وقت والأستعانة بالشباب الباقي
ود سنقد - معتصم بابكر ، معز السماني ، ود مريم ، نبيل ، كمبيوتر ، ود جريف قمر ، محمد زين ، كانيجا ، الكركاجي ، الكركوجابي ، عامر عبد الوهاب ، الطيب نصر الدين ، والبقية .
نادي السهم ، نادي كركوج ، نادي الجزائر ، نادي السلام ، نادي الشعلة ، نادي الكمال ، الأهلي ، الكوكب ، الصبية ، الإخلاص ، العاصفة ، النجوم ، القادسية ، الهدف ، أولاد باعو ، وبقية الأندية .