راكوبة الجريف

والله يا عبودى

نحنا ناس قدام الحى communist برضو ماعندنا ثقافة الدوبيت والمناحه
بنسمع مارسيل خليفه .
ولو ماعارف مارسيل ده منو اسأل بدر بعرفك
وشريط الدوبيت ده غيرو لينا او اسمعوه انت وبدر

يا اخوى نحن من فريق حى الضلمة ولكن نعرف الناس كويس نعرف القلتو دى من قبل

ما تشوف الشمس وكمان ناس صبحوة وفيروزة والزعيم وديع الصافى والنزيدك

نحن والله ما COMMUNIST نحن ناس مساكين وما مثقفين لان قرايتنا

يا دوب تفك الخط ولكن عصامين ثقافتنا ذاتية وما درسانا الحاج عطية

وبطاحين مخلوطين بمشايخة ، ويا اخوى ارعى بقيدك والعب مع القدرك

وكان رجعت تانى لجنس الكلام دى تشوف شوف كمان نديك من الفرنسى

البنعرفو اصلوا نحن دراويش وبعد نزعل بتكلم انجليزى وفرنسى ولغة تانية
ما اظنك بتعرفها

ود العبيد

أبعدنا الزمان من اللهيجو بشيقنا
عاودنا السهر والنوم بقى مو رفيقنا
يامتين نلاقيهو المنشف ريقنا
ناخد بيعة من كف إيدو نحيي طريقنا

الليلة البرق من عصرو عمت الفجة
مافي مضارى غير قرة وصقيعة ولجة
في شان الزنازين والسجون والحجة
ما بنتخلى يالصديق مرابيت قجة

الخبر البجي الصديق مقفل جوه
حالف ما بقيف دونو إن بقيت في هوه
ساعة الحاره تب ما بنسى شرط الخوه
كباس للدهم عند البقول يا مروه

جرحا فى عالجتو وابى ما يبرا
جاب لى الطشاش والتانى عدم الخبرة
اضوق الصحة لمتين والمنوسر يبرا
من الخلا عندى الواسعة زي فم ابرة

أبو كفة العلي الحركة البقوم متسرع
واب حاجباً متل شوك الكتر متزرع
الفارس الصميم الـ بالنصر متدرع
وحوض الكوثر الفوقو البخات بتكرع

ترعى و ناسي شوشيتك طوالة و عامرة
تارك حجة الكاجرالها خيشة و دامرة
يومنا الننوي لي التحت النهيدات ضامرة
هبابة و لقت نار الصنوبر جامرة

كيفن أهنا واعيش وانا صبري أمسى مودع
سببي الرُخرُخ المن قام صغير متفدِع
جنيت وجِني جنَّ وحالي أصلو مبدِع
أهج شقيش شن فاضلي تاني اجدِع

يعجبني الكريم من جلدو يكرم ضيفـو
ويعجبني الحليم يطـول حبالو بكيفـو
ويعجبني الحكيم بحـراً ممهد قيـفـو
وللفايت الحـدود أحمر مسلط سيفـو

ود العبيد
كبير التربالة بالصح يا جنوى

يامتين نلاقيهو المنشف ريقنا
ناخد بيعة من كف إيدو نحيي طريقنا

قولوا امين يارب العالمين

اقتباس :: اصلوا نحن دراويش وبعد نزعل بتكلم انجليزى وفرنسى ولغة تانية
ما اظنك بتعرفها

ههههههههههههههههههههههههههههههههههه
التانية دي لعلها السريالي
أرقد عافية آود العبيد والله البلد ببراك خلا خلا
أضحك الله سنين ياخي

حافظ العبيد الطاهر كتب:: يامتين نلاقيهو المنشف ريقنا
ناخد بيعة من كف إيدو نحيي طريقنا

قولوا امين يارب العالمين

أستغفر الله .. الحي الدايم .. آمين آخوي آمين ...
لا اله الا الله محمد رسول الله ... آمين .. آمين ..
متّن الفاتحة وكبرا
بالمناسبه انت ( جمعاً ) دي آخوي ما بتعرفا

الهندى

الجنى دى واقف لينا فى حلقنا بس شوكة حوت لا بتتبلع لا بتفوت واللغة ياه يا اخوى

دحين جبتو معاكم القيود ولا نبرطو بطريقتنا

ود العبيد

يا اخوى تب بعرفها لكن كدى النتلم نحن اول بعد كدى نفتش للناس

حافظ العبيد الطاهر كتب:: يا اخوى تب بعرفها لكن كدى النتلم نحن اول بعد كدى نفتش للناس

هههههههههههههههههههههههههههههه
قلت كدي ... ؟؟!!!

حافظ العبيد الطاهر كتب:: والله يا جماعة دى مشكلة كبيرة خلاص يا جماعة انا بفتح درس عصر

لكن على شرط داير اعيش فى كمية ثلج يعنى ايسكريم وشاى بالكريم

وبدل راكوبة يبقى صالون مى زيادة او صفاء بت تبيدى

بمناسبة الخنزير دي... طبعا انتو شايفنها حاجه غريبه, لكن و الله الواحد مرات يشتري ليه كيكه تلقه المكونات فيها خنزير ولا خمور... يعني الواحد تلقاه قطع نص الصحن يقوم يجي و احد يقول ليك فيها خمور, تقوم ترمي الباقي... دحين الواحد بقه لمن يشبع تب بعداك بشوف المكونات.. ولا الراي شنو ! يفكر

هههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههههههههههه

قلت كده أخير ليك من تجدع نصها سااااااااااااي
أها واكان بعد ما تكملها لو لقيتها تريانه خنزير كيف الحل ؟
تعمل نايم ساي زي الماكنت قاصد موش ؟
ههههههههههههههههههههههههههههههه
هههههههههههههههههههههههههههههههه
ههههههههههههههههههههههههههههههههه
انشاء الله ياخي تسلم وعمرك كله أفراح وبهجة ومسرات ياخي
والله الليله السويتا فينا يارونالدو مافي زول سبقك عليها كلو كلو

والله عاجباني حيرتك دي
ومحيراني أنا زاتي يفكر

رونالدو يانكهة المكـــــــــان وين انت ياخي
عليك الله تعال لينا من جديد

موضوع: رد: راكوبة الجريف السبت 15 مارس 2008, 3:44 pm

قاعدين يا ود نابري لكن راكوبتكم دي شوفو ليها كندشه, حر السودان مع شوالتكم المقدده دي ما بتقعد...

والله النصيحة ليك حق انت زاتك مسخن شديد
كنا رايقيين ومروقين زمان .. وقالو لي
انت مسخن شديد اليومين ديل وشعر راسك
طاير ليفوق ... والامتحان سواها فيك
واسه بقيت تشبه 7up عرفت ؟و شعر راسو طاير
من السخانه ....ههههه
اعمل بنصيحتي اخير ليك

حافظ العبيد الطاهر كتب:: الدوبيت فيه خنزير وفيه حاجات تانية دحين يا وبد عبدالماجد الجنو ديل

نصاح كدى يا ودعبدالماجد دى راكوبة ولا صالون ايمان بسطاوى

اهداء الى رونالدو

وانا طلعته منها

هذا مقال للاستاذ علاء الدين شاموق وجدته اثناء البحث عن المواضيع التراثيه في صحيفه الحوار المتمدن الالكترونيه و الذي يتحدث عن الدوبيت ذلك الفن الجميل فاليكم المقال
الدوبيت

الدوبيت .. ضرب شعري غنائي أشتهر به سكان المناطق الرعوية في السودان، وله أسماء أُخر في العالم العربي مثل الزجل والمواليا، أصله كلمة فارسية مكونة من شطرين أولهما (دو) ويعني اثنين، والمعنى واضح وهو الشعر ثنائي الأبيات، حيث يتكون الدوبيت من قصيدة غنائية طويلة مكونة من مقاطع صغيرة تتألف من بيتين من الشعر بذات القافية مع اشتراط انتهاء الشطر الأول لكل منهما بنفس القافية التي ينتهي بها البيت، وهذا ما يجعل المقطع الواحد من الدوبيت مكون من أربعة أجزاء صغيرة موحدة القافية مثاله ..

الناس العلي الساحر بشقّوا الصيّ

أمسوا الليلة فوق راياً نجيض ما نيّ

ناس أب ترمة جاموس النحاس أب ديّ

عقدوا الشورة ميعادهم جبال كربيّ

وهناك حالات يكون فيها المقطع ثلاثياً أو خماسياً وفي حالات نادرة يكون سداسياً، ويشتهر بهذا النوع سكان بوادي السودان الغربية في كردفان ودارفور، وفي بعض المناطق من أواسط السودان الغربية المتاخمة لكردفان، كما أن أغلب شعر (الحكّامات) بغرب السودان ينتمي لهذا الدوبيت الثلاثي، ومثاله من غرب السودان هذا المقطع الجميل الذي يُمدحُ به العرسان ليلة عرسهم وتغنيه لهم بنات الفريق ..

سقتا النَّم علي الجاغوس

الشجرة الظليلة الما نقرها السوس

في راسها النمر وفي ظلها الجاموس

شكرا ليك ياسودانية على المقال الجميل ده
واتعلمنا منو كتير عن معالم الدوبيت في سوداننا

سلالماااااااااااات يا ناس الراكوبة :

انا جيت وداير اخش واصنقر معاكم فى الراكوبة ، ونتونس شوية من عالم الزحمة واللخمة .
اها بتقولو فى شنو ، المهم انا خاشى شمال و جايب معاى عضام بتاعت كوارع اسع حنكتم من الضباح البيضبح فى سماية ناس فلانة وداير المعلم البيظبط الكوارع دة عشان ننتعش ونقدر شوية نفرفش ونعرف نتونس ولا شنو

ناجي انا باسوي ليكم الشطه
هههههههههههههههههههههههه

االابناء الاعزاء تحيه طيبه راكوبتكم لفتت نظرى من بعيد بى همبريبها البارد
والرملة المفروشه ومرشوشه ودخلت قلت اتونس شويه لكن لقيتكم جايبين ليكم
كوارع وشكلكم كده راجيين اليطبخها ليكم وانا كراهيتى فى الدنيا حاجه اسمها كوارع
عشان كده احسن لى انسحب واجيكم مره تانيه
سلام عليكم

سلام يالحبان

الحقيقة قبال ما أدخل لي راكوبتكم لقيت

لي واحد قدام الراكوبة وعندو قصب سكر وشوفتي للقصب حيلي مات وهاك يا قصب .. والمشكلة بعد شوية لقيت ام النور طالعة

من الراكوبة حردانة وعرفت سبب الزعل

الكوارع ... عشان كدى يا جماعة الخير أنا

عاوز أدخل الراكوبة بي قلب قوي طالما

جابت ليها كوارع .. لكن المصيبة في قصب

السكر الجرح لساني ده .. وكمان ود نابري

قال عليهو الشطة ..وشطة الهنود أسألوني

منها أنا .. ويا ود عبدالماجد أخوي .. دي

ورطة شنو الوقعنا فيها دي ..

أقوليكم .. الكوارع خليتها لي ود العبيد .

عصام أبو مصطفى

عمنا ابو مصطفى قلت قصب السكر

يااااه والله شوقنا ليو زي شوق المريض للعافية

جيت الراكوبة قلت اشرب من الزير احلى من مويته مافي

لكن للأسف لقيت الزير ناشف تقول ليو سنه ماملو

والله مامشتاقة لي شي غير اشرب من موية الزير

تحياتي للكل

يا جماعة الراكوبة حبابكم عشرة وأستحملوني

شوية وعاوزكم تفهموني الحاصل شنو ..

لأنو راكوبتكم دي في واحد محوطني منها

عشان ما أدخل ليها أبداً..

وهاكم الأسباب:

المرة الفاتت جيت أدخل عيني وقعت على

بتاع القصب القاعد بره .. وعارفين باقي الحكاية ..

والمره دي طاقاني عطشة والمفاجأة لقيتكم

خاتين زير قدام الراكوبة وتحت شجرة نيم

في الشارع .. وفي جيتي الفاتت ما شفت

الزير ده أبداً .. لكن يظهر إنو واحد ود قبائل

رأف على حال بنتنا سودانية وملأ الزير

المهم يا الأخوان مديت يدي للكوز ..

والكوز طبعاً قزازة ( كريستال) مقطوعة النص

وكان فيها باقي موية .. وكمان موية باردة

خلاص .. وقلت في نفسي طالما الزير مليان

ومويتو باردة .. قمت كشحت باقي الموية

ويا ريتني لو ما كشحتها .. أتاريهو في كلب

جزء منو في ضل الشجرة وباقي الكلب

ود الكلب تحت الزير فوق شوية طين ..

وبيني وبينكم الكلب إنخلع .. وما عارف مني أنا

والا من الموية الباردة ... المهم الكلب ده

صرخ صرخة قوية وجرى وما إتلفت أبداً

وغير كوراكو مافي شئ .. المهم الكلب ده

وقف قدام بيت ... وشاليهو حجر .. والحجر أنا

شفت بي عيني دي .. وبعداك الكلب وقف

على حيلو وبالحجر قعد يضرب في باب البيت

.. وبعد شوية طلع راجل مفتول العضلات وليهو

فقرة .. المهم أنا من بعيد شايف الكلب بتكلم

معاهو وبيأشر ليهو ناحيتي..

المهم الراجل دخل جوه البيت والكلب واقف بره

من بعيد بيعاين لي بقعر عينو .. وبعد شوية

الراجل طلع من البيت ومعاهو عكاز .. وأدوني

ليكم جنس كردة .. والراكوبة دي جيت لافي

فيها عشرة مرات .. والشكية لي الله قلت أجي

واحد ساي يا داخل على الراكوبة والا طالع منها

.. ولا حيات لمن تنادي .. وما عارف ناس رونالدو

والهندي وباقي الشلة مشت وين المهم أكثر

من ثلاثة ساعات وأنا في الحالة دي أهمهم

وأرفس .. وفي النهاية ما إتخارجت من الموقف

ده إلا أم العيال صحتني وقالت لي مالك في

شنو .. وقلت ليها لكن يا بنت الحلال بعد شنو ..

أصلو بعيد عنكم يا جماعة دي هدربة زول كانت

طاقاهو ملاريا والنومة دي كلها ما تعدت دقائق ..

ونصيحتي ليكم البتجيهو ملاريا أوع يفرط

ويستسلم وتجيهو نومة .. حتى ولو قعد

ثلاثة يوم من غير نوم .. أوعه .. أوعه .. أوعه

أها يا جماعة باقي ليكم بقدر أدخل راكوبتكم

دي .. وهل من مرحب.

آخر حاجة .. كلام برئ

هنالك سؤال إن كان البعض يتباهى بأن

الحكومة أنشأت الطرق وطورت الاتصالات

ووفرت الطاقة وأنجزت البنيات الأساسية ..

فلماذا الفشل في أن تضع حد لمرض الملاريا

اللعين والقضاء على آثاره السالبة علي الاقتصاد

حيث انه يعطل الطاقات البشرية وبالتالي

يعطل حركة الإنتاج.

عصام أبو مصطفى

آخر حاجة .. كلام برئ

هنالك سؤال إن كان البعض يتباهى بأن

الحكومة أنشأت الطرق وطورت الاتصالات

ووفرت الطاقة وأنجزت البنيات الأساسية ..

فلماذا الفشل في أن تضع حد لمرض الملاريا

اللعين والقضاء على آثاره السالبة علي الاقتصاد

حيث انه يعطل الطاقات البشريةوبالتالي

يعطل حركة الإنتاج.

ده كلام كويس داير نقاش موضوعى فى ضل الراكوبه دى
بس يابوالشباب
عشان حيكون النقاش هادف وعملى فى اتجاة
درء اثار الملاريا وماشابها
يجب عليك احضار حبوب الراجمات والشربوت
والمزه( ماالحنضل ) ياعصام
وتعال نخش الراكوبه دى داير اشوف الطيب بخيت
وتحياتى للشباب
ابوتراجى

اخوانا فى الراكوبة سلام عليكم
عووووووووووووووووووووووووووووق
واخونا عصام انت ما لقيت الا تحلم بسكة الزول العاتى ده ومعاه كلب كمان
يا اخى احلم برجوع السودان عليك الله اسى لو كنت موجود فى السودان وصحيت من النوم يا عصام ولقيت يوسف فوكس جمبك تعمل شنو

يا ناس الراكوبة نحنا جيتنا بتكتر ليكم كترو القصب واملو ازياركم وكثرو التسالى ما نجى يوم نلقى الراكوبة فاضية
لاننا جايين نبحث موضوع زواج اخونا حافظ ود العبيد
لانو فات فيهو الفوات خلالالالالالالالالالالاص
معى انى قلت ليهو ما تعرس بعد كده لانو خلاص باقى ليك عشرة سنوات وتموت علشان كده احسن تنتظر الموت وما تعلق بنت ناس ساكت ولا رايكم شنو يا ناس الراكوبة

معز عبد المنعم

» مايكتب عن الجريف خارج موقع الجريف شرق
» lمن حواء الجريف الي ادم الجريف
» قنصلية الجريف
» الجريف
» بت الجريف